"ETSE" REDİFLİ GAZEL - NAMIK KEMAL
Yâd eder candan o zâlim âşıkı yâd etse de
Mevt ile eyler gam-î âlemden âzâd etse de
Âdeme insâfı yoktur âlem-î pür-mihnetin
Mâtemi der-pey gelir îd ile dil-şâd etse de
Hasbeten lillâh olur zannetme şeyhin himmeti
Kasdı istihlâftır İblîs’i irşâd etse de
Bâr-gâh-i adli virân eyleyenler âdemin
Başına zindân eder dünyâyı âbâd etse de
Şeytanetten dûr olan hak-gûya sad efsûs kim
Her sözü merdûd olur Allaah’a isnâd etse de
Himmet-i reh-berden istiğnâ eden fikr-î hakîm
Bezm-gâh-i Kurb’a varmaz tayy-ı eb’âd etse de
Râhına hâk olmadan dûr idemez üftâdeni
Devr-i gerdun sâye-yi hurşîdden yâd etse de
Senk-bâr-î cevr olan tahrîb-i kalb-i âleme
Haşr olur Haccâc ile bin Kâ’be bünyâd etse de
Merdim ayrılmam yolumdan bîşezâr-î himmetin
Her bün-î nahlinde ger bir şîr feryâd etse de
Ben esîr-i aşkıyım sultân-ı hürriyyet Kemâl
Âlemi yek-ser alâyikten ser-âzâd etse de
İLGİLİ İÇERİK
NAMIK KEMAL'İN HECEYLE YAZDIĞI ŞİİRLER
NÂMIK KEMAL HAYATI ve ESERLERİ
NAMIK KEMAL'İN TİYATROLARININ ÖZETLERİ